குடியுரிமை திருத்தச் சட்டத்திற்கு ஆதரவாக, இல்லங்கள் தோறும் சென்று, விழிப்புணர்வை ஏற்படுத்தும் பரப்புரை இயக்கத்தை, பாஜக முன்னெடுத்துள்ளது.

அந்த வகையில், டெல்லி லஜ்பத் நகர் பகுதியில், வீடு, வீடாகச் சென்று, மத்திய உள்துறை அமைச்சர் அமித் ஷா, துண்டு பிரசுரங்கள் வழங்கினார். மேலும், டெல்லி அமர் காலனி பகுதியில் வசிக்கும் ஆப்கானிஸ்தான் சீக்கிய அகதிகளை சந்தித்து அமித் ஷா உரையாடினார்.

பாஜக செயல் தலைவர் ஜே.பி.நட்டா, உத்திரப்பிரதேசத்தின், காசியாபாத் நகரில் விழிப்புணர்வு பரப்புரையில் ஈடுபட்டார்.

டெல்லியில், மத்திய அமைச்சர் ரவிசங்கர் பிரசாத், விழிப்புணர்வு இயக்கத்தின் ஒருபகுதியாக, பாகிஸ்தானில் இருந்து அகதியாக வந்துள்ள இந்து குடும்பம் ஒன்றை சந்தித்துப் பேசினார்.

பெங்களூருவில், கர்நாடக முதலமைச்சர் எடியூரப்பா விழிப்புணர்வு பரப்புரையில் ஈடுபட்டார்.

Watch Polimer News Online at https://bit.ly/2Qrv39p