தூங்கிக்கொண்டிருக்கும் முதலையின் வாயிலிருந்து சிறுத்தை ஒன்று உணவை திருடி உண்ணும் வீடியோ காட்சிகள் இணையத்தில் வைரலாகி வருகிறது.
அந்த வீடியோவில், முதலை ஒன்று வாயினுள் இரையை அடைத்து கொண்டு தூங்கிகொண்டுள்ளது. அப்போது அங்கு வரும் சிறுத்தை, முதலையை லேசாக அசைத்து அது தூங்குவதை முதலில் உறுதி செய்து கொள்கிறது.
பின்பு பொறுமையாக முதலையின் வாயில் உள்ள இரையின் ஒருபகுதியை சிறுத்தை எடுக்கிறது. மீண்டும் சிறுத்தை இரையை எடுக்க முயலும்போது முதலை கண்களை திறக்க, உடனடியாக இரையின் ஒருபகுதியை பிடுங்கிக்கொண்டு சிறுத்தை அங்கிருந்து செல்கிறது.
