சென்னை உட்பட 7 மாவட்டங்களில், ஓரிரு இடங்களில், இன்று மிதமான மழைக்கு வாய்ப்புள்ளதாக, வானிலை ஆய்வு மையம் கூறியுள்ளது.

கடந்த 24 மணி நேரத்தில், அதிகபட்சமாக, கடலூரில் 3 சென்டி மீட்டர் மழைப் பதிவாகியுள்ளது. காற்றில் ஏற்பட்டுள்ள வேக மாறுபாடு காரணமாக, சென்னை, திருவள்ளூர், காஞ்சிபுரம், கடலூர், நாகப்பட்டினம், விழுப்புரம், அரியலூர் ஆகிய 7 மாவட்டங்களில், ஓரிரு இடங்களில் லேசானது முதல் மிதமான மழைக்கு வாய்ப்பு உள்ளதாக, சென்னை வானிலை மையம் கூறியுள்ளது.

தமிழ்நாடு மற்றும் புதுச்சேரியில், மழையின் தாக்கம் நாளை முதல் குறையும் என்றும், தற்போதைய கணிப்புகளின் அடிப்படையில், வட கிழக்குப் பருவமழை அடுத்த இரண்டு நாட்களில் நிறைவு பெற வாய்ப்பு உள்ளதாகவும், வானிலை ஆய்வு மையம் தெரிவித்துள்ளது.