ஊரக உள்ளாட்சித் தேர்தல் முடிவைப் பார்த்த பின்னர், அதிமுகவினர் நகர்புற உள்ளாட்சி தேர்தலை நடத்துவார்கள் என்ற நம்பிக்கை இல்லை என உதயநிதி ஸ்டாலின் தெரிவித்துள்ளார்.
சென்னை தேனாம்பேட்டையிலுள்ள அன்பகத்தில் திமுக இளைஞரணியின் மாநகர மற்றும் மாவட்ட அமைப்பாளர்கள் ஆலோசனைக்கூட்டம் உதயநிதிஸ்டாலின் தலைமையில் நடைபெற்றது. அதில் 12 தீர்மானங்கள் நிறைவேற்றப்பட்டன.
கூட்டத்துக்கு பின்னர் செய்தியாளர்களிடம் பேசிய உதயநிதி ஸ்டாலின், வாக்கு எண்ணிக்கை ஒழுங்காக நடந்திருந்தால் திமுக இதைவிட மிகப் பெரிய வெற்றியைப் பெற்றிருக்கும் என்றார்.
