சென்னை உள்பட 4 மெட்ரோ நகரங்களில் சமையல் எரிவாயு சிலிண்டர் விலை உயர்ந்து உள்ளது.
மானியமற்ற சமையல் எரிவாயு சிலிண்டர் விலை புத்தாண்டின் முதல் நாள் முதல் அதிகரித்து உள்ளது. டெல்லி மற்றும் மும்பையில், சிலிண்டருக்கு 19 ரூபாய் மற்றும் 19.5 ரூபாயாக விலை உயர்ந்துள்ளது.
கொல்கத்தாவில் மானியமில்லாத சிலிண்டருக்கு 21.50 ரூபாய் உயர்ந்து 747 ரூபாயாகவும், சென்னையில் 20 ரூபாய் உயர்ந்து 734 ரூபாயாகவும் உள்ளது. கடந்த ஆகஸ்ட் முதல் மானியமில்லாத சமையல் எரிவாயு சிலிண்டர் விலை ரூ.140 வரை அதிகரித்து உள்ளது.
