கோயம்புத்தூர் அவிநாசி சாலையில் உள்ள ஸ்டேன்ஸ் ஆங்கிலோ இந்தியன் பள்ளியில் 6ஆம் வகுப்பு மாணவரை 11ஆம் வகுப்பு மாணவர் தாக்கியதாக கூறப்படும் சம்பவம் குறித்து ரேஸ்கோர்ஸ் போலீசார் விசாரணை நடத்தி வருகின்றனர்.
6ஆம் வகுப்பு மாணவர் ஒருவரை 11ஆம் வகுப்பு மாணவர் தனது காலில் விழும்படி கூறி ராகிங் செய்ததாக, மற்றொரு மாணவர் ஆசிரியர்களிடம் தெரிவித்தாக கூறப்படுகிறது.
இதனால் ஆத்திரமடைந்த 11ஆம் வகுப்பு மாணவர், அம்மாணவரின் கழுத்தைப் பிடித்து இறுக்கி, பள்ளியில் இருந்த மரத்தில் தலையை மோதியதில் காயமடைந்த அவர் மருத்துவமனையில் அனுமதிக்கப்பட்டுள்ளதாக கூறப்படுகிறது.
