பா.ஜ.க.வுக்கும், அ.தி.மு.க.வுக்கும் இடையே பிரச்சினை இல்லை என பா.ஜ.க. மாநிலத் தலைவர் அண்ணாமலை கூறியுள்ளார்.
கோவை விமான நிலையத்தில் செய்தியாளர்களிடம் பேசிய அண்ணாமலை, தாம் யாரையும் தவறாக பேசவில்லை என்றும் தமது தன்மானத்தை கேள்விக்குறியாக்கினால் நிச்சயம் பதில் கொடுக்கப்படும் என்றும் தெரிவித்துள்ளார்.
அண்ணா குறித்து தாம் எப்போதும் தரம் தாழ்ந்து விமர்சித்தது கிடையாது என்றும் அவரது சிறப்புகளை பல இடங்களில் எடுத்துக் கூறி இருப்பதாகவும் அண்ணாமலை கூறியுள்ளார். அண்ணா பற்றிய தமது பேச்சுக்கு மன்னிப்பு கேட்கப் போவதில்லை என்றும் தெரிவித்துள்ளார்.
