கோவையில், காதலிக்கு பிறந்தநாள் வாழ்த்து கூறச் சென்ற போது ஏற்பட்ட தகராறில், காதலனை கத்தியால் குத்திக் கொலை செய்த பெண்ணின் தந்தை உட்பட இருவர் கைது செய்யப்பட்டனர்.
லோடு மேனாக பணிபுரிந்து வந்த பிரசாந்த் என்ற 21 வயது இளைஞர், செட்டிபாளையத்தைச் சேர்ந்த இளம்பெண்ணை 3 ஆண்டுகளாக காதலித்து வந்துள்ளார். ஆரம்பத்தில் இவர்களது காதலுக்கு இரு வீட்டாரும் எதிர்ப்பு தெரிவித்துள்ளனர்.
பிறகு அடுத்தாண்டு திருமணம் செய்து வைப்பதாக கூறியுள்ளனர். இந்நிலையில், பிரசாந்த் தனது காதலிக்கு பிறந்தநாள் வாழ்த்து சொல்வதற்காக, நண்பர்கள் மூவருடன், நள்ளிரவு காதலியின் வீட்டிற்கு சென்று கதவை தட்டியுள்ளார்.
பெண்ணின் தந்தை மகாதேவனும், உறவினர் விக்னேஷும் கதவை திறந்துள்ளனர். அப்போது பிரசாந்த் மதுபோதையில் இருந்ததால், விக்னேஷுக்கும் பிரசாந்துக்கும் வாக்குவாதம் ஏற்பட்டு கைகலப்பானதாக தெரிகிறது.
பிரசாந்த் கட்டையால் தாக்கியதால் ஆத்திரமடைந்த விக்னேஷ், பிரசாந்த்தை அவரது காதலியின் கண்முன்னே கத்தியால் குத்தியதாக கூறப்படுகிறது. இதில் படுகாயமடைந்த பிரசாந்த் மருத்துவமனைக்கு அழைத்து செல்லும் வழியிலேயே உயிரிழந்தார். இச்சம்பவம் தொடர்பாக விக்னேஷையும் பெண்ணின் தந்தை மகாதேவனையும் போலீசார் கைது செய்தனர்.
