அஸ்ஸாமில் பெய்த கனமழையால் உயிரிழந்தோரின் எண்ணிக்கை 14 ஆக அதிகரித்துள்ளது. இரண்டு குழந்தைகள் உட்பட நான்கு பேர் நேற்று சாச்சார் ஆற்றின் வெள்ளத்தில் மூழ்கி உயிரிழந்தனர்.
அஸ்ஸாமில் உள்ள 29 மாவட்டங்களில் வெள்ளம் சூழ்ந்துள்ளதால் சுமார் 7 லட்சம் பேர் பாதிக்கப்பட்டுள்ளதாக மாநில பேரிடர் மேலாண்மை அதிகாரிகள் தெரிவித்துள்ளனர்.
சுமார் 80 ஆயிரம் ஹெக்டேர் விளை நிலங்களும் 2 ஆயிரத்து 251 கிராமங்களும் வெள்ளத்தில் மிதக்கின்றன. நூற்றுக்கணக்கான முகாம்களில் பல்லாயிரம் பேர் அடைக்கலம் புகுந்துள்ளனர். மீட்பு மற்றும் நிவாரணப் பணிகள் மேற்கொள்ளப்பட்டு வருகின்றன.
