இங்கிலாந்து, போர்ச்சுக்கல், அமெரிக்காவை தொடர்ந்து ஆஸ்திரேலியாவிலும் ஒருவருக்கு குரங்கம்மை பாதிப்பு ஏற்பட்டுள்ளது.

அண்மையில் இங்கிலாந்து சென்று விட்டு மெல்போர்ன் நகருக்கு வந்த 30 வயதுடைய நபருக்கு குரங்கம்மை பாதிப்பு ஏற்பட்டிருப்பதாக விக்டோரியா மாகாண சுகாதாரத்துறை தெரிவித்துள்ளது.

இதேபோல் சமீபத்தில் ஐரோப்பாவிற்கு சென்று திரும்பிய சிட்னியை சேர்ந்த 40 வயதுடைய ஒருவருக்கு குரங்கம்மை பாதிப்பு அறிகுறிகள் தென்படுவதாகவும் சுகாதாரத்துறையினர் தெரிவித்துள்ளனர்.

பிரான்ஸ், ஜெர்மனி, பெல்ஜியம் இத்தாலி, கனடா, ஸ்பெயின் நாடுகளிலும் குரங்கம்மை பாதிப்பு பதிவாகி உள்ளது குறிப்பிடத்தக்கது.