வந்தவாசி நகராட்சியில் தாயை எதிர்த்து போட்டியிட்ட மகள் வெற்றி..
Published : Feb 23, 2022 1:24 PM
திருவண்ணாமலை மாவட்டம் வந்தவாசி நகராட்சியில், ஒரே வார்டில் தாயை எதிர்த்து போட்டியிட்ட மகள் வெற்றி பெற்றார்.
நகர்ப்புற உள்ளாட்சித் தேர்தலில், வந்தவாசி நகராட்சிக்கு உட்பட்ட 18வது வார்டில் அதிமுக சார்பில் பிரியா தினகரன் போட்டியிட்டார். அவரை எதிர்த்து திமுக சார்பில் அவரது தாய் கோடீஸ்வரி போட்டியிட்டார்.
ஒரே வார்டில் தாயும் மகளும் நேருக்கு நேர் களம் கண்ட நிலையில், பிரியா தினகரன் 746 வாக்குகள் பெற்று வெற்றி பெற்றார். பிரியா தினகரனின் வெற்றியை அதிமுகவினர் இனிப்புகள் வழங்கி உற்சாகமாக கொண்டாடினர்.
