இந்தியாவின் ஒற்றுமைக்காக, விவசாயிகள் போராட்டம் குறித்த கருத்தை, ஒவ்வொருவரும் வெளிப்படுத்தி வருவதாக இந்திய கிரிக்கெட் அணி கேப்டன் விராட் கோலி தெரிவித்துள்ளார்.

இந்தியா-இங்கிலாந்து இடையேயான டெஸ்ட் தொடர் நாளை தொடங்க உள்ள நிலையில், இன்று காணொலி வாயிலாக விராட் கோலி செய்தியாளர்களை சந்தித்தார்.

அப்போது, சென்னையில் நாளை நடைபெறவுள்ள முதல் டெஸ்ட் போட்டியில் ரோகித் சர்மா மற்றும் சுப்மன்கில் ஓபனராக களம் இறங்குவார்கள் என கூறினார்.

ரிஷப் பண்ட் விக்கெட் கீப்பராக இருப்பார் என கூறிய அவர், டெஸ்ட் சாம்பின்ஷிப் இறுதி போட்டியில் பங்கேற்பதற்கு இந்தத் தொடர் அழுத்தம் ஏற்படுத்தவில்லை எனவும், இங்கிலாந்து அணிக்கு எதிராக வெற்றி பெறுவதே இலக்கு எனத் தெரிவித்தார்.