பஞ்சாப் மாநிலத்தில் தோழியுடன் சாலையோரம் நின்று செல்பிக்கு போஸ் கொடுத்துக்கொண்டிருந்த பெண்ணிடம் இருசக்கர வாகனத்தில் வந்த நபர் செல்போனை பறித்துச் சென்றான்.
ஜலந்தரில் (Jalandhar) முக்கிய கடை வீதி ஒன்றில் கடந்த மாதம் பதிவு செய்யப்பட்ட சிசிடிவி காட்சியில், கார் ஷோரூம் வெளியே சாலையோரம் நிறுத்தப்பட்டிருந்த சொகுசு காரின் முன்னாள் 2 இளம்பெண்கள் நின்று செல்பி எடுத்துக்கொண்டிருந்தனர்.
அப்போது அந்த வழியே இருசக்கர வாகனத்தில் வந்த நபர், பெண்களுக்கு அருகில் சென்று அவர்கள் கையில் இருந்த செல்போனை பறித்துக்கொண்டு அந்த இடத்தை விட்டு வேகமாக சென்றுவிட்டான்.
