கன்னியாகுமரி மாவட்டம் நாகர்கோவில் அருகே இரண்டு தனியார் கல்லூரி பேருந்துகள் நேருக்கு நேர் மோதிய விபத்தின் சிசிடிவி காட்சி வெளியாகியுள்ளது.

சூரப்பள்ளம் பகுதியில் ஸ்டெல்லா மேரிஸ் பொறியியல் கல்லூரியின் பேருந்து மாணவர்களுடன் சென்றுக் கொண்டிருந்தது. அப்போது எதிர்திசையில் வந்த மற்றோரு தனியார் கல்லூரி பேருந்தும், ஸ்டெல்லா மேரிஸ் கல்லூரி பேருந்தும் நேருக்கு நேராக மோதி விபத்துக்குள்ளானது.

இதில் இரு பேருந்துகளிலும் பயணித்த சுமார் 22 மாணவ மாணவிகள் லேசான காயமடைந்தனர். அவர்களுக்கு நாகர்கோவில் அரசு மருத்துவமனையில் சிகிச்சை அளிக்கப்பட்டு வருகிறது. குறுகலான சாலையில் இருப்பேருந்துகளும் அதிவேகமாக சென்றதே விபத்துக்கு காரணம் எனக் கூறப்படுகிறது.