பாஜக மூத்த தலைவரும், முன்னாள் மத்திய அமைச்சருமான முரளி மனோகர் ஜோஷியை பிரதமர் மோடி நேரில் சந்தித்து பிறந்தநாள் வாழ்த்து தெரிவித்தார்.

முரளி மனோகர் ஜோஷி தனது 86ஆவது பிறந்தநாளை இன்று கொண்டாடினார். இதையொட்டி டெல்லியிலுள்ள அவரது இல்லத்துக்கு மோடி இன்று காலை நேரில் சென்று பூங்கொத்து கொடுத்து வாழ்த்து தெரிவித்தார்.

மேலும் முரளி மனோகர் ஜோஷிக்கு வாழ்த்து தெரிவித்து ட்விட்டரில் மோடி பதிவுகளை வெளியிட்டுள்ளார். அதில் நீண்டகால அரசியல் வாழ்க்கையிலும், நாடாளுமன்ற உறுப்பினர், மத்திய அமைச்சர் என்ற முறையிலும் தேசத்துக்கு ஜோஷி அழிக்க முடியாத பங்களிப்பை அளித்திருப்பதாக மோடி குறிப்பிட்டுள்ளார்.