உள்ளாட்சித் தேர்தலில் யாருக்கும் வெற்றியும் இல்லை, தோல்வியும் இல்லை என அமைச்சர் ராஜேந்திர பாலாஜி தெரிவித்துள்ளார்.

விருதுநகர் மாவட்டம் சிவகாசியில் பொங்கல் பரிசுத் தொகுப்பு வழங்கும் திட்டத்தை பால்வளத்துறை அமைச்சர் ராஜேந்திர பாலாஜி தொடங்கி வைத்தார்.

பின்னர் செய்தியாளர்களிடம் பேசிய அமைச்சர், உள்ளாட்சித் தேர்தல் அதிமுக - திமுக ஆகிய இரு கட்சிகளுக்குமே பலப்பரீட்சை தான் என்றார்.

மேலும் திமுகவினர் வெற்றி பெற வேண்டும் என்ற உணர்வோடு வேலை செய்தனர் என்றும், அதிமுகவினர் நிச்சயம் வெற்றி பெற்றுவிடுவோம் என்ற நம்பிக்கையில் இருந்ததால் சில இடங்களில் வெற்றி வாய்ப்பை இழக்க நேரிட்டதாகவும் அமைச்சர் கூறினார்.