விருதுநகர் மாவட்டம் ஸ்ரீவில்லிபுத்தூர் அருகே அத்திகுளம் செங்குளம் ஊராட்சி மன்ற தலைவர் பதவிக்கு போட்டியிட்டு தோல்வியடைந்த காசி என்பவர், தன்னை தோல்வியடைய செய்த வாக்காளர்களுக்கு நன்றி என போஸ்டர் ஒட்டியுள்ளார்.

மேலும், உங்களை நான் நம்பினேன் நீங்கள் இப்படி நம்பிக்கை துரோகம் செய்வீர்கள் என கனவில் கூட நினைக்கவில்லை என தனது ஆதங்கத்தை வெளிப்படுத்தியுள்ளார்.

இதேபோன்று அத்திகுளம் தெய்வேந்திரி ஊராட்சி மன்ற தலைவர் பதவிக்கு போட்டியிட்டு தோல்வியடைந்த பிரதிவிராஜன் என்பவர், பணம் வாங்கிக் கொண்டு பணம் கொடுத்தவர்களுக்கு வாக்களித்த அனைத்து நல் உள்ளங்களுக்கும் மனமார்ந்த நன்றி என பிளக்ஸ் போர்டு வைத்துள்ளார்.