சென்னையை அடுத்த ஆவடியில் வீட்டு வாசலில் நிறுத்திவைக்கப்பட்டிருந்த பொறியாளர் ஒருவரின் புல்லட் பைக்கை, மர்ம நபர் ஒருவர், திருடிச் செல்லும் சிசிடிவி காட்சிகள் வெளியாகியுள்ளன.

ஆவடி மூர்த்தி நகரைச் சேர்ந்த மென்பொருள் பொறியாளரான பிரகாஷ் என்பவர், தனது புல்லட் பைக்கை வீட்டு வாசலில் நிறுத்திவைத்துவிட்டு வெளியில் சென்றுள்ளார்.

திரும்பிவந்து பார்த்தபோது பைக் இல்லாததால் அருகில் உள்ள சிசிடிவியில் பதிவான காட்சிகளை ஆய்வு செய்தபோது, மர்ம நபர் ஒருவர், சைடு லாக்கை உடைத்து, பைக்கை திருடிச்செல்லும் காட்சிகள் பதிவாகி இருந்தன.

சிசிடிவி காட்சிகளைக் கொண்டு, பைக் திருடனை போலீசார் வலைவீசி தேடிவருகின்றனர்.