சீனாவில் விளையாட்டுப் பூங்காவில் நீர் திறக்கும் துளைக்குள் சிக்கிக் கொண்ட சீல் பரிதாபமாக உயிரிழந்தது.
லியோடாங் தீபகற்பப் பகுதியில் மீன் விளையாட்டுப் பூங்கா அமைக்கப்பட்டுள்ளது. இங்கு உலகின் பல்வேறு பகுதிகளில் உள்ள மீன்கள், சீல்கள் என ஏராளமான உயிரினங்கள் வளர்க்கப்பட்டு வருகின்றன.
கடந்த சில தினங்களுக்கு முன் இங்கு சுற்றுலா பயணிகள் பார்வையிட்டுக் கொண்டிருந்தனர். அப்போது, சில சீல்கள் விளையாடிக் கொண்டிருந்தன. அப்போது தண்ணீர் திறக்கும் துளைக்கு அருகில் விளையாடிக் கொண்டிருந்த சீல் ஒன்றின் மூக்குப் பகுதி அந்த துளைக்குள் சிக்கிக் கொண்டது.
இதனைக் கண்ட மற்ற சீல்கள் அதனைக் காப்பாற்ற முயன்றன. பின்னர் பூங்கா ஊழியர் ஒருவரும் அதனை வெளியில் இழுக்க முயன்றார். ஆனால் அத்தனை போராட்டமும் வீணானதால் துளையில் சிக்கி சீல் பரிதாபமாக உயிரிழந்தது.
