விருதுநகர் மாவட்டம் திருச்சுழி அருகே இரு தரப்பினரிடையே நடைபெற்ற மோதல் சம்பவம் தொடர்பாக இரு கிராமங்களை சேர்ந்த 40 பேர் கைது செய்யப்பட்டனர்.

பரளச்சி செங்குளத்தை சேர்ந்தவர்கள், மதுரையில் வீரபாண்டிய கட்டபொம்மன் சிலைக்கு மரியாதை செலுத்திவிட்டு தங்கள் வாகனங்களில் முழக்கமிட்டபடியே திரும்பி கொண்டிருந்தனர்.

பரளச்சி காவல்நிலையம் முன்பு ஒருதரப்பினர் இவர்கள் வந்து கொண்டிருந்த வாகனத்தின் மீது கல் வீசி தாக்கினர். இதனால் அடுத்தடுத்த வாகனங்களில் வந்த செங்குளம் கிராமத்தினருக்கும் பரளச்சி கிராமத்தினருக்கும் மோதல் ஏற்பட்டது.

வானத்தை நோக்கி போலீசார் இருமுறை துப்பாக்கியால் சுட்டதால் கலவரத்தில் ஈடுபட்டவர்கள் சிதறி ஓடினர். இந்நிலையில் நேற்று அதிகாலை இரு கிராமங்களிலும்  தேடுதல் வேட்டை நடத்திய காவல்துறை அதிரடிப்படையினர் மோதலில் ஈடுபட்ட 2 கிராமங்களைச் சேர்ந்த 40க்கும் மேற்பட்டோரை கைது செய்தனர்.