இந்தியா, இலங்கை அணிகளுக்கு இடையேயான முதலாவது 20 ஓவர் கிரிக்கெட் போட்டி, இன்று தொடங்குகிறது.

அஸ்ஸாம் மாநிலம் கவுகாத்தியில் உள்ள பரஸ்பரா மைதானத்தில் இப்போட்டி நடைபெற உள்ளது. 2020-ம் ஆண்டின் முதல் தொடரை வெற்றியுடன் துவங்க இந்திய அணி முனைப்பாக உள்ளது.

நீண்ட இடைவெளிக்கு பிறகு காயத்தில் இருந்து மீண்டுள்ள, பும்ரா மற்றும் ஷிகர் தவான் அணியில் இணைந்திருப்பது இந்திய அணிக்கு கூடுதல்  வலு சேர்த்துள்ளது. அதே சமயம் மலிங்கா தலைமையில் கடந்த 10 போட்டிகளில் ஒரு போட்டியில் மட்டுமே வென்றுள்ள, இலங்கை அணியும் தொடரை வெற்றியுடன் தொடங்க முழு பலத்துடன் செயல்படும் என எதிர்பார்க்கப்படுகிறது. இதனிடையே போட்டியைக் காண வரும் ரசிகர்களுக்கு பல்வேறு கட்டுப்பாடுகள் விதிக்கப்பட்டு உள்ளது.