ராமநாதபுரம் மாவட்டம் அரியக்குடி பஞ்சாயத்து தலைவர் பதவிக்கு நடைபெற்ற தேர்தலில் தோல்வியடைந்த வேட்பாளர்கள்,  பணம் பெற்ற கிராம மக்களை அழைத்துவந்து தங்களுக்குதான் வாக்களித்தோம் என கோழி ரத்தத்தில் சத்தியமிடுமாறு மிரட்டும் வீடியோ வைரலாகி வருகிறது.

அரியகுடி பஞ்சாயத்து தலைவர் பதவிக்கு 4 பெண்கள் போட்டியிட்டனர். இதில் தோல்வியடைந்த 3 பெண்கள், தேர்தலின்போது தங்களுக்கு வாக்களிக்க பணம் பெற்ற கிராம மக்களை ஊர் மத்தியிலுள்ள சமுதாய கூடத்துக்கு அழைத்து வந்து சேவலை அறுத்து ரத்தம் பிடித்து,  அதன்மீது சத்தியம் செய்யும்படி மிரட்டியதாக கூறப்படுகிறது.

அப்போது அங்கிருந்த நபர் ஒருவர் இக்காட்சியை செல்போனில் படம்பிடித்து வெளியிட்ட வீடியோ வைரலாகி வருகிறது.