சென்னை சேத்துபட்டில் உள்ள எம்சிசி பள்ளியில் 1970ஆம் ஆண்டு படித்த முன்னாள் மாணவர்கள் சந்திப்பில் திமுக தலைவர் மு.க. ஸ்டாலின் கலந்து கொண்டு, தம்முடன் படித்தவர்களோடு மலரும் நினைவுகளை பகிர்ந்து கொண்டார்.
பின்னர் அவர்களுடன் குழு புகைப்படம் எடுத்துக் கொண்டு, அவர்களோடு ஒன்றாக உணவருந்தினார். இதையடுத்து செய்தியாளர்களிடம் பேசிய ஸ்டாலின், ஊரக உள்ளாட்சி தேர்தலில் திமுகவுக்கு கிடைத்த வெற்றியை தன்னோடு படித்த மாணவர்களோடு பகிர்ந்து கொண்டதாகவும், அதற்கு அவர்கள் வாழ்த்து தெரிவித்ததாகவும் குறிப்பிட்டார்.
இந்தப் பள்ளிக்கு சட்ட மன்ற உறுப்பினராகவும், மேயராகவும், துணை முதல்வராகவும், எதிர்கட்சி கட்சி தலைவராகவும் வருகை புரிந்துள்ளதாகவும், நாளை எப்படி வருவேன் என்பதை பின்னர் தெரிவிப்பதாகவும் ஸ்டாலின் தெரிவித்தார்.
