கடும் பனிமூட்டம் காரணமாக திருவனந்தபுரம், மும்பை உள்ளிட்ட இடங்களில் இருந்து சென்னைக்கு வந்த 10 விமானங்கள் பெங்களூருக்கு திருப்பிவிடப்பட்டன.

சென்னை விமான நிலையத்தில் இன்று அதிகாலை கடுமையான பனிமூட்டம் காணப்பட்டது. இதனால் காலை சென்னை விமான நிலையத்துக்கு கோலாலம்பூர், அபுதாபி, துபாய், சார்ஜா ஆகிய இடங்களில் இருந்து வந்த வெளிநாட்டு விமானங்கள் குறிப்பிட்ட நேரத்தில் தரை இறங்க அனுமதிக்கவில்லை.

இதுபோல் திருவனந்தபுரம், மும்பை உள்ளிட்ட இடங்களில் இருந்து சென்னை வந்த10 விமானங்கள் பெங்களூருக்கு திருப்பிவிடப்பட்டன.

23 விமானங்கள் தாமதமாக புறப்பட்டு சென்றன. பனி மூட்டம் காரணமாக காலை 6 மணி முதல் 8 மணிவரை சென்னை விமான நிலையத்தில் போக்குவரத்து பாதிக்கப்பட்டதாக அதிகாரிகள் தெரிவித்துள்ளனர்.