புத்தாண்டு பிறந்துள்ள நிலையில் 2020ஆம் ஆண்டில் வெளியாக உள்ள முக்கியமான பத்து தமிழ்த் திரைப்படங்கள் பெரும் எதிர்பார்ப்பை ஏற்படுத்தியுள்ளன. 

அரசியல் கட்சி தொடங்குவேன் என்று அறிவித்துள்ள நடிகர் ரஜினிகாந்த் ஏ.ஆர்.முருகதாஸ் இயக்கத்தில் நடித்துள்ள தர்பார் படம் பொங்கல் தினத்தன்று வெளியாகிறது. ஏற்கனவே இப்படத்தின் டிரைலர் மற்றும் பாடல் காட்சிகள் இணையத்தில் வைரலாகியுள்ளன.

கமல்ஹாசனின் இந்தியன் 2 ஷங்கர் இயக்கத்தில் தயாராகி வருகிறது. இந்தியன் தாத்தா வேடத்தில் நடிக்கும் கமலுக்கு அரசியல் வசனங்களும் இடம் பெறக்கூடும் என சொல்லப்படுகிறது.

நடிகர் விஜய்யின் புதிய படத்திற்கு மாஸ்டர் என்ற பெயர் அறிவிக்கப்பட்டுள்ளது. மெர்சல், சர்க்கார், பிகில் படங்களுக்குப் பிறகு வெளியாக உள்ள இந்தப்படமும் விஜய்க்கு வெற்றியை வழங்கும் என எதிர்பார்க்கப்படுகிறது. இப்படத்தில் விஜய் சேதுபதி வில்லனாக நடிக்கிறார்.

அஜித் போலீஸ் அதிகாரியாக இளமைத் தோற்றத்தில் நடிக்கும் படம் வலிமை. அண்மைக்கால படங்களில் சால்ட் பெப்பர் லுக்கில் நடித்த அஜித் தமது பழைய தோற்றத்துக்கு திரும்பியுள்ளார். இப்படத்தில் சூப்பர் பைக் சேஸ் காட்சிகள் படமாக்கப்பட உள்ளதாக தகவல் வெளியாகியுள்ளது.

இதேபோன்று சுதா கோங்கரா இயக்கத்தில் சூர்யா நடித்துள்ள சூரரைப் போற்று, பேட்ட படத்தை இயக்கிய கார்த்திக் சுப்புராஜ் இயக்கத்தில் தனுஷ் நடிக்கும் டி-40, விக்ரம் நடிக்கும் கோப்ரா, நயன்தாரா அம்மனாக நடிக்கும் ஆர்.ஜே.பாலாஜியின் மூக்குத்தி அம்மன் ஆகிய படங்களுடன் ரஜினி காந்த்தின் 168வது படமாக தயாராக உள்ள படத்தை சிவா இயக்க உள்ளார். இப்படத்தில் ரஜினியுடன் குஷ்பூ, மீனா, கீர்த்தி சுரேஷ் ஆகியோர் நடிக்க உள்ளனர்.