​​
Polimer News
Polimer News Tamil.
Advertisement
பொள்ளாச்சி பாலியல் வன்கொடுமை தொடர்பாக மேலும் பலர் புகார்

Published : Mar 16, 2019 1:21 PM

பொள்ளாச்சி பாலியல் வன்கொடுமை தொடர்பாக மேலும் பலர் புகார்

Mar 16, 2019 1:21 PM

பொள்ளாச்சி பாலியல் வன்கொடுமை வழக்கு தொடர்பாக செல்பேசி எண் மற்றும் மின்னஞ்சல் மூலமாக பல புகார்களும் புதிய தகவல்களும் வந்து கொண்டிருப்பதாக கூறியுள்ள சி.பி.சி.ஐ.டி. போலீசார் பொள்ளாச்சி ஆபாச வீடியோக்களை பரவாமல்  தடைசெய்யுமாறு ஃபேஸ்புக், டிவிட்டர், வாட்ஸ் அப் உள்ளிட்ட நிறுவனங்களுக்கு கடிதம் அனுப்பப்பட்டுள்ளதாககவும் தெரிவித்துள்ளனர்.

பொள்ளாச்சி பாலியல் வன்கொடுமை வழக்கில் ஒரு பெண் மட்டுமே புகார் அளித்த நிலையில், பாதிக்கப்பட்டவர்களோ அல்லது இந்த விவகாரம் குறித்து தகவல் தெரிந்தவர்களோ ரகசியம் மற்றும் பாதுகாப்பான முறையில் புகார்கள் மற்றும் தகவல்களை தெரிவிக்க சி.பி.சி.ஐ.டி போலீசார் ((cbcid.cbe.city@gmail.com)) ((என்ற)) மின்னஞ்சல் முகவரியையும் ((9488442993 என்ற)) செல்பேசி எண்ணையும் சி.பி.சி.ஐ.டி. போலீசார் அறிவித்திருந்தனர்.

கோவை அவினாசி சாலையில் உள்ள சி.பி.சி.ஐ.டி. எஸ்.பி. அலுவலகத்தை தொடர்பு கொள்ளலாம் என்றும் தெரிவிக்கப்பட்டிருந்தது.

இந்நிலையில் இந்த செல்பேசி எண் மற்றும் மின்னஞ்சலில் பலர் புகார்களையும் புதிய தகவல்களையும் அளித்திருப்பதாக சி.பி.சி.ஐ.டி. போலீசார் தெரிவித்துள்ளனர். எனினும் எத்தனை புகார்கள் என வெளியிட முடியாது என்றும் அவர்கள் கூறியுள்ளனர்.

இதனிடையே பாலியல் வன்கொடுமை தொடர்பான வீடியோக்களை சமூக வலைதளங்களில் பரப்புவது விசாரணையை பாதிக்கும் என்றும் எனவே யாரும் அது தொடர்பான வீடியோக்களை பரப்பக் கூடாது என்றும் ஏற்கனவே சி.பி.சி.ஐ.டி போலீசார் அறிவுறுத்தியுள்ளனர்.

இந்நிலையில் பொள்ளாச்சி வீடியோக்கள் பரவாமல்  தடைசெய்யுமாறு சமூகவலைதள நிறுவனங்களான ஃபேஸ்புக், டிவிட்டர், வாட்ஸ் அப் உள்ளிட்டவற்றுக்கு கடிதம் அனுப்பப்பட்டுள்ளதாகவும் சி.பி.சி.ஐ.டி. போலீசார் தெரிவித்துள்ளனர். 

மேலும் பொள்ளாச்சி பாலியல் வன்கொடுமை வழக்கில் கைது செய்யப்பட்ட நபர்களை காவலில் எடுத்து விசாரித்து வரும் சி.பி.சி.ஐ.டி. போலீசார், அவர்கள் தொடர்புடைய இடங்களில் சோதனையும் நடத்தி வருகின்றனர்.

சபரிராஜன் வீட்டில் மேற்கொள்ளப்பட்ட சோதனையில் லேப்டாப், பென்டிரைவ் உள்ளிட்டவை பறிமுதல் செய்யப்பட்ட நிலையில் அவற்றில் உள்ள வீடியோக்கள், ஆவணங்கள் உள்ளிட்டவை ஆய்வுக்கு அனுப்பப்பட்டு, அவற்றின் உண்மைத் தன்மை ஆராயப்பட்டு அதனைத் தொடர்ந்து அவை ஆதாரங்களாக ஏற்கப்படும் என சி.பி.சி.ஐ.டி. போலீசார் தெரிவித்துள்ளனர்.