அரசு அறிவித்தபடி 2 ஆயிரம் ரூபாய் வெள்ள நிவாரணம் வழங்கக் கோரி, விழுப்புரம் மாவட்டம் வானூர் அருகே குன்னம் கிராமத்தைச் சேர்ந்த மக்கள், புதுவை-திண்டிவனம் சாலையில் திடீர் சாலை மறியலில் ஈடுபட்டனர்.
பலர், சாலையில் படுத்துக்கொண்டதால் போக்குவரத்து பாதிக்கப்பட்டது. மறியலில் ஈடுபட்ட பெண்களை தள்ளிவிட்டும், ஆண்களை சட்டையைப் பிடித்து இழுத்தும் சென்ற போலீசாருக்கும் பொதுமக்களுக்கும் இடையே வாக்குவாதம் ஏற்பட்டது.
