ஈரோடு மாவட்டம் சித்தோடு அருகே உள்ள ஆர்என்புதூர் சிஎம் நகர் பகுதியில் தீபாவளி இரவு மாலை சித்தோடு காவல் நிலைய இன்ஸ்பெக்டர் ரவி, எஸ்ஐ பன்னீர்செல்வம் ஆகியோர் ரோந்து பணியில் ஈடுபட்டிருந்தனர்.

அப்போது அதே பகுதியைச் சேர்ந்த கோபால் , அவரது நண்பர் வினோத்குமார் ஆகியோர் நண்பர்களுடன் இரு சக்கர வாகனத்தில் சாலையை மறித்து நின்று கொண்டிருந்தனர்.

அவர்களை பார்த்து ரோட்டில் ஏன் கூட்டமாக நின்று கொண்டிருக்கிறீர்கள் என்று கேட்ட போது மது போதையில் இருந்த இருவரும் மரியாதைக் குறைவாக பேசி வாக்குவாதத்தில் ஈடுபட்டதாக கூறப்படுகின்றது.

வாக்குவாதம் முற்றி போலீசை அடிக்க பாய்ந்தவரின் சாட்டை கிழிந்த நிலையில், பதிலுக்கு போலீசாரின் சாட்டையை கிழிக்க போவதாக மல்லுக்கு நின்றார் அந்த இளைஞர்

போதையில் தனது பைக்கை எஸ்.ஐ மீது மோதுவது போல சென்ற மற்றொரு இளைஞரின் பைக்கை போலீசார் பிடித்து வைத்த நிலையில் அவரும் போலீசாரிடம் கடுமையான வாக்குவாதத்தில் ஈடுபட்டார்.

இதில் காயம் அடைந்ததாக கூறி காவல் ஆய்வாளரும், எஸ்.ஐயும் பவானி அரசு மருத்துவமனையில் சிகிச்சைக்காக சேர்ந்த நிலையில், போலீசாரை தாக்கிய புகாரின் பேரில் போதை ஆசாமிகள் இருவரையும் சித்தோடு போலீஸார் கைது செய்தனர்.