சென்னை முன்னாள் காவல் ஆணையரும், காவலர் வீட்டு வசதி வாரியத்தின் டிஜிபியுமான ஏ.கே.விஸ்வநாதன் இன்றுடன் ஓய்வு பெறுகிறார். 1990-ம் ஆண்டு பேட்ச் ஐபிஎஸ் அதிகாரியான ஏ.கே.விஸ்வநாதன் கோவை பொள்ளாச்சியைச் சேர்ந்தவர்.

தமிழக காவல் துறையில் சட்டம் ஒழுங்கு, உளவுப் பிரிவு, அமலாக்கம் என பல்வேறு பிரிவுகளில் பணிபுரிந்தவர், சிபிஐ-யிலும் பணியாற்றிய அனுபவம் கொண்டவர். 2017-ம் ஆண்டு சென்னை காவல் ஆணையராக பொறுப்பேற்ற ஏ.கே.விஸ்வநாதன், மூன்றாண்டுகளில் சென்னை முழுவதும் 2.7 லட்சம் சிசிடிவிக்களை நிறுவினார்.

மூண்றாம் கண் எனும் திட்டத்தின் மூலம் பொதுமக்கள், வணிக நிறுவனங்கள், தன்னார்வலர்கள் உதவியுடன் சிசிடிவிகளை அமைக்கும் பணியை மக்கள் இயக்கமாக மாற்றினார்..