டெல்லி ஐஏஎஸ் பயிற்சி மைய மாணவர்கள் 10 பேர் இரண்டாவது நாளாக தங்களது காலவரையற்ற உண்ணாவிரதத்தை தொடர்கின்றனர்.
கடந்த 27ஆம் தேதி, டெல்லியின் பழைய ராஜீந்தர் நகரில் உள்ள தனியார் ஐஏஎஸ் பயிற்சி மையத்தின் கீழடித் தளத்தில் வெள்ள நீர் புகுந்ததில் 2 மாணவிகள் உள்பட 3 பேர் உயிரிழந்தனர். இச்சம்பவத்தில் உரிய நடவடிக்கை எடுக்கக் கோரி 400-க்கும் அதிகமான மாணவர்கள் தொடர் போராட்டத்தில் ஈடுபட்டுள்ளனர்.
இந்த நிலையில், உயிரிழந்தோரின் குடும்பத்துக்கு 5 கோடி ரூபாய் நஷ்ட ஈடு வழங்க வேண்டும், தரையடித் தளத்தை நூலகமாகவோ வகுப்புகள் எடுக்கவோ பயன்படுத்த தடை விதிக்க வேண்டும் என்பது உள்ளிட்ட கோரிக்கைகளை வலியுறுத்தி 10 மாணவர்கள் நேற்று முதல் தொடர் உண்ணாவிரதத்தில் ஈடுபட்டுள்ளனர்.
