பா.ஜ.க மாநில தலைவர் அண்ணாமலை தலைமையில் திருப்பூரில் வரும் ஆகஸ்ட் 11ம் தேதி மாவட்ட தலைவர்கள் கூட்டம் நடைபெற உள்ளது. அண்ணாமலை அடுத்த மாதம் வெளிநாடு செல்ல உள்ள நிலையில், சுதந்திர தின விழா நிகழ்ச்சிகளை கொண்டாடுவது மற்றும் கட்சி வளர்ச்சிப் பணிகள் குறித்து இக்கூட்டத்தில் ஆலோசிக்கப்பட உள்ளதாக கூறப்படுகிறது.
இந்தக் கூட்டத்தில் பங்கேற்க 66 மாவட்டத் தலைவர்களுக்கு அழைப்பு விடுக்கப்பட்டுள்ள நிலையில், பாஜக தமிழக பொறுப்பாளர் அரவிந்த் மேனன் , மேலிட பொறுப்பாளர் சுதாகர் ரெட்டி உள்ளிட்டோரும் கலந்துகொள்வார்கள் என எதிர்பார்க்கப்படுகிறது.
