தேர்தல் விதிமுறைகளை மீறி பொதுமக்களுக்கு பணம் கொடுத்ததாக மதுரை மார்க்சிஸ்ட் கம்யூனிஸ்ட் கட்சி வேட்பாளர் சு. வெங்கடேசன் மீது கொட்டாம்பட்டி போலீசார் வழக்கு பதிவு செய்துள்ளனர்.
கடந்த 3-ம் தேதி பிரச்சாரத்தின் போது ம.வெள்ளாளப்பட்டி என்ற இடத்தில் அவருக்கு ஆரத்தி எடுத்த பெண்களுக்கு பணம் கொடுத்ததாக வீடியோ ஆதாரத்துடன் மேலூர் நீதித்துறை நடுவர் நீதிமன்றத்தில் புகார் அளிக்கப்பட்டதை தொடர்ந்து வழக்கு பதிவு செய்யப்பட்டுள்ளது.
