மயிலாடுதுறையில் நடமாடி வரும் சிறுத்தையைப் பிடிக்க உதவி எண் அறிவித்துள்ள வனத்துறையினர், தீயணைப்புத்துறை மற்றும் காவல்துறையை சேர்ந்த 100க்கும் மேற்பட்டோருடன் ட்ரோன் கேமரா மூலம் தீவிர தேடுதல் வேட்டையில் ஈடுபட்டுள்ளனர்.
மயிலாடுதுறை நகர் கூறைநாடு அருகே நேற்று சிறுத்தை நடமாட்டம் இருப்பது உறுதி செய்யப்பட்ட நிலையில், அந்தப்பகுதியில் உள்ள சில பள்ளிகளுக்கு இன்று ஒரு நாள் விடுமுறை அளிக்கப்பட்டுள்ளது. தொடர்ந்து சிறுத்தை இருக்கும் இடத்தை சீர்காழி வனத்துறையினர் தேடி வருகின்றனர்.
