இந்தாண்டு இறுதியில் நடைபெற உள்ள அமெரிக்க அதிபர் தேர்தலில் டொனால்டு டிரம்பும், ஜோ பைடனும் மீண்டும் மோதுவது ஏறத்தாழ உறுதியாகி உள்ளது.

குடியரசு கட்சி மற்றும் ஜனநாயக கட்சி சார்பில் நடத்தப்பட்டுவரும் உட்கட்சி தேர்தல்களில் சக போட்டியாளர்களை வீழ்த்தி இருவரும் வாகை சூடிவருகின்றனர்.

டிரம்ப் மீது 91 குற்றவழக்குகள் நிலுவையில் உள்ள நிலையில், 81 வயதான பைடனுக்கோ மிகவும் வயதாகி விட்டதாக அமெரிக்கர்கள் கருதுவதாக ஆய்வுகள் தெரிவிக்கின்றன.

மெக்சிகோ வழியாக அகதிகளாக வருவோரை கட்டுப்படுத்த பைடன் தவறியதால் குற்றச்சம்பவங்கள் அதிகரித்துவிட்டதாகவும் அமெரிக்கர்கள் மத்தியில் அதிருப்தி நிலவுவதாக, கூறப்படுகிறது.