காஸா பகுதியில் உணவு, குடிநீர், மருந்து உள்ளிட்ட அத்தியாவசியப் பொருள்கள் விமானப் படை மூலம் வானில் இருந்து கீழே போடப்படும் என அமெரிக்க அதிபர் ஜோ பைடன் தெரிவித்தார்.
இத்தாலி பிரதமர் ஜியார்ஜியா மெலோனியுடனான சந்திப்பின்போது அவர் இதை உறுதிப்படுத்தினார். இஸ்ரேல் - ஹமாஸ் இடையேயான தற்காலிக போர் நிறுத்த உடன்பாடு தொடர்பான பேச்சுவார்த்தை நடைபெற்று வரும் நிலையில் இந்த அறிவிப்பை ஜோ பைடன் வெளியிட்டுள்ளார்.
காஸா பகுதிக்கு பொருள்களை எடுத்துச் செல்ல கூடுதல் பாதைகளைத் திறக்க இஸ்ரேல் மறுத்து வரும் நிலையில், வானில் இருந்து பொருள்களைப் போட முடிவு செய்துள்ளதாகவும், ஓரிரு நாள்களில் அதற்கான ஏற்பாடுகளைச் செய்ய அமெரிக்க ராணுவம் தீவிரமாகச் ஈடுபட்டுள்ளதாகவும் அதிகாரிகள் தெரிவித்தனர்.
