புதுச்சேரியில் நேற்று முன்தினம் மர்ம நபர்களால் கடத்தப்பட்ட குழந்தை காரைக்கால் பகுதியில் மீட்கப்பட்டது.
லாஸ்பேட் குறவர் காலனியைச் சேர்ந்த முத்துப்பாண்டி - விஜயலட்சுமி தம்பதியினரின் மூன்றரை வயது பெண் குழந்தை புதுச்சேரி கடற்கரை சாலையில் கடத்தப்பட்டது.
இதையடுத்து விசாரணை நடத்திய போலீசார், சிசிடிவி காட்சிகள் மூலம் குழந்தை காரைக்கால் கடத்திச் செல்லப்பட்டதை அறிந்தனர். இறுதியில் டூப்ளெஸ் பகுதியில் வசிக்கும் செல்லா என்பவரிடம் இருந்த குழந்தை மீட்கப்பட்டது.
