சென்னை மதுரவாயலில் 3 மாத ஆண் குழந்தை கடத்தப்பட்டதாக கூறப்பட்ட புகாரில் திடீர் திருப்பமாக, குழந்தையை அதன் தாயே சடலமாக எடுத்துச் சென்று குப்பையில் வீசிய சி.சி.டி.வி. காட்சியை போலீசார் கைப்பற்றியுள்ளனர்.
விசாரணையில், உடல் நலமின்றி குழந்தை இறந்ததால், சடலத்தை வீசியதாக அப்பெண் கூறியதாக தெரிகிறது. 2-ஆம் திருமணம் செய்துள்ள அப்பெண் தான் குழந்தையை கொன்று வீசினாரா என்ற சந்தேகம் எழுந்ததை அடுத்து, சென்னையின் குப்பைகள் கொட்டப்படும் பெருங்குடி கிடங்குக்குச் சென்று குழந்தையின் உடலை போலீசார் தேடி வருகின்றனர்.
