ஆந்திர மாநிலம் அன்னமய்யா மாவட்டத்தில் வாகன தணிக்கையில் ஈடுபட்டிருந்த காவலரை காரை ஏற்றிக் கொலை செய்ததாக தமிழகத்தைச் சேர்ந்த செம்மரக் கடத்தல் கும்பலை சேர்ந்த இருவரை போலீசார் கைது செய்தனர்.
கே.வி.பள்ளி அருகே குன்றவாரி பள்ளி சாலை சந்திப்பில், இன்று அதிகாலை வந்த காரை காவலர் கணேஷ் தடுக்க முயற்சித்துள்ளார். அக்கார் நிற்காமல் அவர் மீது மோதியதில் சம்பவ இடத்திலேயே அவர் உயிரிழந்தார்.
இதனையடுத்து காரில் இருந்த ஐந்துபேரும் இறங்கி தப்பி ஓட முயற்சித்த நிலையில், அவர்களில் இருவரை போலீசார் மடக்கிப்பிடித்துள்ளனர். காரிலிருந்து 7 செம்மரக்கட்டைகளை பறிமுதல் செய்துள்ள போலீசாரில் வனப் பகுதிக்குள் தப்பி ஓடிய மூவரை தேடிவருகின்றனர்.
