விழுப்புரம் மாவட்டம் விக்கிரவாண்டியை அடுத்த வேலியந்தலில் மதுபோதையில் மாமனாரை அடித்துக் கொன்ற மருமகன் கைது செய்யப்பட்டார்.

கடந்த 5 ஆண்டுகளுக்கு முன்பு காதல் திருமணம் செய்து கொண்ட வேலியந்தலைச் சேர்ந்த ஆறுமுகத்தின் மகள் கவுசல்யா மற்றும் திருவண்ணாமலையைச் சேர்ந்த கேசவனுக்கு 2 குழந்தைகள் உள்ளனர்.

பெங்களூரில் வேலைப் பார்த்து வந்த கேசவன் மதுபோதைக்கு அடிமையானதானதாகக் கூறி குழந்தைகளுடன் கவுசல்யா தனது தந்தை வீட்டிற்கு திரும்பிச் சென்றுவிட்டதாக கூறப்படுகிறது.

அவரைப் பார்க்க வேலியந்தலுக்கு வந்த கேசவன் மதுபோதையில் கவுசல்யாவுடன் தகராறில் ஈடுபட்டதுடன் குழந்தைகளை திருவண்ணாமலைக்கு அழைத்துச் செல்ல முயன்றுள்ளார்.

அதனை தடுத்த மாமனார் ஆறுமுகத்தை கேசவன் உருட்டுக்கட்டையால் தாக்கியதாகவும், அதில் ஆறுமுகம் அதே இடத்தில் உயிரிழந்ததாகவும் போலீசார் தெரிவித்தனர்.