மழை வெள்ளத்தால் பாதிக்கப்பட்ட தென் மாவட்டங்களில் பொருளாதார ரீதியில் பின்னடைவு ஏற்பட்டுள்ளதாக பா.ஜ.க. மாநிலத் தலைவர் அண்ணாமலை கூறியுள்ளார்.
திருச்சி விமான நிலையத்தில் செய்தியாளர்களிடம் பேசிய அவர், ஒவ்வொரு புயல், மழையின் போதும் தமிழகம் பொருளாதார ரீதியாக பின்னோக்கிச் செல்வதாக தெரிவித்துள்ளார்.
பொருளாதார ரீதியில் உத்தரப் பிரதேசம் பின்தங்கி இருப்பதாக கூறி வந்த நிலை மாறி, தற்போது அம்மாநிலம் இந்திய அளவில் 2-வது இடத்தில் இருப்பதாகவும், 2-வது இடத்தில் இருந்த தமிழ்நாடு 3-வது இடத்துக்கு பின்தங்கி இருப்பதாகவும் குறிப்பிட்டுள்ள அண்ணாமலை, இது தான் திராவிட மாடலா என்று கேள்வி எழுப்பியுள்ளார்.
முன்னதாக, திருச்சியில் புதிதாக உருவாக்கப்பட்டு வரும் சர்வதேச விமான நிலையத்தின் புதிய கட்டிடத்தை அண்ணாமலை பார்வையிட்டார்.
