எதிரிகளின் தாக்குதலை சந்திக்க எந்த நேரமும் தயாராக இருக்க வேண்டும் என தமது ராணுவத்தினருக்கு வட கொரிய அதிபர் கிம் ஜாங் உன் அழைப்பு விடுத்துள்ளார்.

விமானிகள் தினத்தை முன்னிட்டு வட கொரிய விமானப்படையின் தலைமையகத்துக்கு தமது மகளுடன் சென்று கிம் பார்வையிட்டதை வடகொரிய அரசு ஊடகம் புகைப்படமாக வெளியிட்டுள்ளது.

ராணுவத்தின் தயார் நிலை மற்றும் போர் திறன்களை மேம்படுத்துவதற்கான செயல்பாட்டு வழிகாட்டுதல்களை கிம் வெளியிட்டார் என்றும் வட கொரிய அரசு ஊடகம் தெரிவித்துள்ளது.

வடகொரியா அண்மையில் உளவு  செயற்கை கோளை விண்ணில் செலுத்தி தென் கொரியாவில் உள்ள அமெரிக்க ராணுவ தளங்களை கண்காணித்து வருவதாக அறிவிப்பு செய்து இருந்தது குறிப்பிடத்தக்கது.