அமெரிக்காவில் சட்டவிரோதமாக புலம் பெயர்வதற்காக லாரி டிரெய்லருக்குள் அடைத்து, அழைத்து வரப்பட்ட 215 பேரை மெக்சிகோ போலீசார் மீட்டனர்.

வெராகுரூஸ் மாநிலம் வழியாக சந்தேகத்திற்கிடமாக சென்ற லாரியை போலீசார் விரட்டிச் சென்று வழி மறித்தனர்.

ஓட்டுநர் லாரியை விட்டுவிட்டு தப்பியோடிய நிலையில், அதனுடன் இணைக்கப்பட்டிருந்த டிரெய்லரை போலீசார் திறந்து பார்த்தபோது 26 சிறுவர்கள் உள்பட 215 பேர் முண்டியடித்து உட்கார்ந்திருந்தனர்.

எல் சால்வடார், ஹாண்டுராஸ் போன்ற மத்திய அமெரிக்க நாடுகளிலிருந்து அமெரிக்காவில் தஞ்சமடைய சென்றுகொண்டிருந்தது விசாரணையில் தெரியவந்தது. அவர்களை அகதிகள் முகாமிற்கு போலீசார் அனுப்பி வைத்தனர்.