விவசாயம் மற்றும் தானியங்கள் தொடர்பாக பிரதமர் மோடி எழுதிய பாடல் புகழ்பெற்ற கிராமி விருதுக்குப் பரிந்துரை செய்யப்பட்டுள்ளது.
சிறுதானியங்களின் நன்மைகளை ஊக்குவிக்கும் வகையில் பிரதமர் மோடி அபண்டஸ் இன் மில்லட்ஸ் என்ற தலைப்பில் பாடல் ஒன்றை இந்திய - அமெரிக்க பாடகர் ஃபாலுவுடன் இணைந்து வெளியிட்டுள்ளார். ஆங்கிலம் மற்றும் இந்தியில் வெளியான இந்தப் பாடல் பெரும் வரவேற்பைப் பெற்றது.
மேலும் சமூக வலைதளங்களிலும் லட்சக்கணக்கானோர் இந்தப் பாடலைக் கேட்டு, பாராட்டியுள்ளனர். இந்நிலையில், மோடியின் பாடல், சிறந்த உலகளாவிய இசை செயல்திறன் பிரிவில் கிராமி விருதுக்கு பரிந்துரைக்கப்பட்டுள்ளதாகத் தகவல்கள் வெளியாகி உள்ளன.
