நாகரீகமாக இருந்த அரசியலை தரமற்றதாக மாற்றியதே தி.மு.க தான் எனவும் பொய் செய்திகளை பரப்புவதும் தி.மு.க தான் என சீமான் தெரிவித்துள்ளார்.

விடுதலைப் புலிகள் இயக்கத்தின் மறைந்த முக்கிய நிர்வாகி சுப.தமிழ்ச்செல்வனின் நினைவு நாளையொட்டி சென்னை சின்ன போரூரில் உள்ள கட்சி அலுவலகத்தில் அஞ்சலி செலுத்திய சீமான், அரசியலுக்கு வரும் விஜய் திரையில் காண்பதை விட வேறு மாதிரி வருவார் எனவும், அவரது நிலைப்பாடு பா.ஜ.கவிற்கு ஆதரவாக இருக்காது என்றும் கூறினார்.

நாடாளுமன்ற தேர்தலில் 20 பெண்களை வேட்பாளர்களாக அறிவிப்பேன் எனத் தெரிவித்த சீமான், பேராசிரியர் தமிழ்செல்வி என்பவரை தென் சென்னை தொகுதிக்கான வேட்பாளராக அறிவித்தார்.