கர்நாடகாவில், நெடுஞ்சாலையோரம் நிறுத்தப்பட்டிருந்த சிமெண்ட் கலவை லாரி மீது டாடா சுமோ கார் மோதியதில் 12 பேர் உயிரிழந்தனர்.
சிக்கபள்ளாபுரா பகுதியில் காலை நேரத்தில் நடைபெற்ற விபத்து குறித்து தகவலறிந்த போலீஸார் மீட்பு பணியில் ஈடுபட்டு 12 சடலங்களை மீட்டனர்.
படுகாயத்துடன் மீட்கப்பட்ட 3 பேரை மருத்துவமனைக்கு அனுப்பி வைத்தனர். விபத்தில் இறந்தவர்கள் அனைவரும் ஆந்திராவின் கோரென்ட்லாவை சேர்ந்தவர்கள் என்பது தெரியவந்துள்ளதாக தெரிவித்த போலீஸார், காலையில் அப்பகுதியில் கடும் பனிமூட்டம் நிலவியதால் சாலையோரம் நிறுத்தப்பட்டிருந்த சிமெண்ட் கலவை லாரியின் பின்புறம் கார் மோதியிருக்கலாம் எனவும் தெரிவித்தனர்.
