புதுச்சேரியில், பணத்தகராறில் செல்போன் கடைக்காரர் மற்றும் அவரது மனைவி ஆபாசமாக பேசிக் கொள்வது போன்ற ஆடியோவை அவர்களின் புகைப்படத்தோடு சேர்த்து பரப்பியதாக திரைப்பட துணை நடிகர் உள்பட 3 பேர் கைது செய்யப்பட்டனர்.
ஆபாச ஆடியோ குறித்து அண்ணா சாலையில் செல்போன் கடைக்காரர் சதீஷ்குமார் அளித்த புகாரில் போலீஸார் விசாரணை நடத்தினர்.
அதில், சதீஷ்குமார் தற்போது நடத்தி வரும் செல்போன் கடையை, பிச்சைக்காரன் 1, ஸ்கெட்ச் போன்ற படங்களில் நடித்துள்ள துணை நடிகர் செல்வம் முன்பு நடத்தி வந்துள்ளார்.
திரைப்படங்களில் நடிப்பதற்காக சதீஷ்குமாருக்கு கடையை கைமாற்றிவிட்டு சென்ற நிலையில், அதற்காக 10 லட்சம் ரூபாயை கொடுக்காமல் சதீஷ் குமார் இழுத்தடித்து வந்ததாக கூறப்படுகிறது.
இதனால் சதீஷ்குமாரை அசிங்கப்படுத்துவதற்காக போலி ஆடியோ தயாரித்து செல்வம் பரப்பியதாக கூறிய போலீசார், செல்வம் மற்றும் அவருக்கு உதவியதாக 2 பேரை கைது செய்தனர்.
