பாகிஸ்தானின் முன்னாள் வெளியுறவு அமைச்சரான ஷா மெஹ்மூத் குரேஷியை இஸ்லாமாபாதில் அவரது இல்லத்தில் போலீசார் கைது செய்தனர்.
67 வயதான குரேஷி, இம்ரான் கானின் நெருக்கமான நண்பர் ஆவார்.
அவரை கைது செய்து பாகிஸ்தானின் எப் ஐ ஏ தலைமையகத்துக்கு விசாரணைக்காக அழைத்துச் சென்றனர்.
அவர் மேலான குற்றச்சாட்டுகள் என்ன என்று தெளிவாகவில்லை என்றபோதும், இம்ரான்கான் தம்மை பிரதமர் பதவியில் இருந்து நீக்க வெளிநாட்டுச் சதி நடப்பதாகக் கூறியது தொடர்பான வழக்கில் குரேஷியிடம் விசாரணை நடப்பதாக அதிகாரிகள் தெரிவித்தனர்.
