சட்டீஸ்கர் மாநிலம் ராய்ப்பூரில் 7500 கோடி ரூபாய் மதிப்புள்ள நலத்திட்டங்களை பிரதமர் மோடி இன்று தொடங்கி வைக்கிறார். புதிய ரயில்வே மற்றும் சாலைப் பணிகளையும் அவர் தொடங்கி வைக்க உள்ளார்.
முன்னதாக, ஒன்றரை லட்சம் பேர் பங்கேற்க உள்ள பாஜக பொதுக்கூட்டத்திலும் மோடி உரையாற்ற உள்ளார்.
இதனைத் தொடர்ந்து, உத்தரப்பிரதேச மாநிலம் கோரக்பூரில் நாளை கீதா பிரஸ் நூற்றாண்டு கொண்டாட்டத்தில் பிரதமர் மோடி பங்கேற்க உள்ளார். உலகின் மிகப்பெரிய பதிப்பகங்களில் ஒன்றான கீதா பிரஸ் 14 மொழிகளில் சுமார் 41 கோடி புத்தகங்களை அச்சிட்டுள்ளது.இதில் 16 கோடி பிரதிகள் பகவத் கீதை பதிப்புகளாகும். அண்மையில் கீதா பிரஸ்சுக்கு மத்திய அரசு காந்தி அமைதி விருது வழங்கி கௌரவித்துள்ளது.
