விருதுநகர் மாவட்டம் அருப்புக்கோட்டையில் அரசு நகரப் பேருந்தில் மழை நீர் ஒழுகியதால் நடத்துனருடன் பயணிகள் வாக்குவாதத்தில் ஈடுபடும் வீடியோ வெளியாகி உள்ளது.
விருதுநகர் பேருந்து நிலையத்திலிருந்து சுமார் 30க்கும் மேற்பட்ட பயணிகளை ஏற்றிக் கொண்டு அரசு நகரப் பேருந்து ஒன்று அருப்புக்கோட்டை நோக்கி புறப்பட்டது. அந்தப் பேருந்து கிளம்பியதில் இருந்து அதற்குள் மழை நீர் ஒழுகியவாறு இருந்ததால் பயணம் செய்த பயணிகள் நடத்துனருடன் வாக்குவாதத்தில் ஈடுபட்டனர்.
டிக்கெட் எடுக்க முடியாது என்றும் மழையில் நனைந்தபடி எப்படி பயணம் செய்யமுடியும் என்றும் கேள்வி எழுப்பினர்.
