அமெரிக்காவின் ஓக்லஹோமாவில் கூக்குரல் ஒன்றை கேட்டு பாதிக்கப்பட்ட நபரை காப்பாற்ற ஓடிய காவல்துறை அதிகாரிகள், அங்கு உண்மையில் ஒரு ஆடு கத்திக் கொண்டிருந்ததைக் கண்டு ஆச்சரியம் அடைந்தனர்.
ஓக்லஹோமாவின் எனிட் காவல் துறையை சேர்ந்த 2 காவல்துறை அதிகாரிகள், வயல்வெளி வழியாக உதவிக்கான குரல் கேட்ட திசையை நோக்கி ஓடிச் சென்ற போது, இறுதியில் அங்கு ஆடு ஒன்றை கண்டனர்.
காவல்துறை அதிகாரிகளின் உடலில் பொருத்தப்பட்டிருந்த கேமராவில் பதிவான இந்த காட்சிகளை, எனிட் காவல்துறை, சமூக ஊடகங்களில் வெளியிட்டுள்ளது.
